តើអ្វីទៅជាប្រព័ន្ធប្រតិបត្តិការ (OS)

យើងគ្រប់គ្នាសុទ្ធតែបានដឹងថាគ្រប់កុំព្យូទ័រទាំងអស់ ក៏ដូចជាឧបករណ៍អេឡិកត្រូនិកផ្សេងៗដូចជា ទូរស័ព្ទដៃ  ម៉ាស៊ីនគិតលេខ  PlayStation  មនុស្សយន្ត ។ល។ សុទ្ធតែត្រូវការប្រព័ន្ធ​ប្រតិបត្តិការណ៍​ដើម្បី​អាចដំណើរការបាន និយាយអោយងាយយល់ប្រព័ន្ធប្រតិបត្តិការណ៍ប្រៀបប្រដូចជាព្រលឹង ដែលគ្រប់គ្រង​ទៅលើដំណើរការរបស់ Hardware (ប្រៀបមកមនុស្សគឺជាសរីរាង្គ) និង Software ។ ឧទាហរណ៍យើង​សាកល្បង​ភ្ជាប់ម៉ាស៊ីនបោះពុម្ព (printer) របស់អ្នកទៅកាន់កុំព្យូទ័រមួយគ្រឿង ជាលទ្ធផលដំបូង​បំផុត​អ្នកនឹងទទួលបានព័ត៏មានតំរូវអោយធ្វើការដំឡើង driver របស់ម៉ាស៊ីនបោះពុម្ពនោះ  បើពុំនោះទេ កុំព្យូទ័រនឹង​មិនអាចអោយអ្នកបោះពុម្ពឯកសារតាមរយៈម៉ាស៊ីនបោះពុម្ពនោះបានឡើយ  នេះក៏ដោយសារ​ប្រព័ន្ធប្រតិបត្តិការណ៍មិនអាចគ្រប់គ្រងឬស្គាល់បាននូវ hardware ថ្មីដែលទើបបានដំឡើង ។

យើងគ្រប់គ្នាសុទ្ធតែបានដឹងថាគ្រប់កុំព្យូទ័រទាំងអស់ ក៏ដូចជាឧបករណ៍អេឡិកត្រូនិកផ្សេងៗដូចជា ទូរស័ព្ទដៃ  ម៉ាស៊ីនគិតលេខ  PlayStation  មនុស្សយន្ត ។ល។ សុទ្ធតែត្រូវការប្រព័ន្ធ​ប្រតិបត្តិការណ៍​ដើម្បី​អាចដំណើរការបាន និយាយអោយងាយយល់ប្រព័ន្ធប្រតិបត្តិការណ៍ប្រៀបប្រដូចជាព្រលឹង ដែលគ្រប់គ្រង​ទៅលើដំណើរការរបស់ Hardware (ប្រៀបមកមនុស្សគឺជាសរីរាង្គ) និង Software ។ ឧទាហរណ៍យើង​សាកល្បង​ភ្ជាប់ម៉ាស៊ីនបោះពុម្ព (printer) របស់អ្នកទៅកាន់កុំព្យូទ័រមួយគ្រឿង ជាលទ្ធផលដំបូង​បំផុត​អ្នកនឹងទទួលបានព័ត៏មានតំរូវអោយធ្វើការដំឡើង driver របស់ម៉ាស៊ីនបោះពុម្ពនោះ  បើពុំនោះទេ កុំព្យូទ័រនឹង​មិនអាចអោយអ្នកបោះពុម្ពឯកសារតាមរយៈម៉ាស៊ីនបោះពុម្ពនោះបានឡើយ  នេះក៏ដោយសារ​ប្រព័ន្ធប្រតិបត្តិការណ៍មិនអាចគ្រប់គ្រងឬស្គាល់បាននូវ hardware ថ្មីដែលទើបបានដំឡើង ។

តាមរយៈឧទាហរណ៍ខាងលើយើងអាចដឹងបានយ៉ាងងាយថា ប្រព័ន្ធប្រតិបត្តិការណ៍គឺជាកម្មវិធីកណ្តាល (Interface) មួយសម្រាប់គ្រប់គ្រង និង សម្របសម្រួលរាល់ប្រភព hardware ទៅនឹងអ្នកប្រើប្រាស់ (user) តាមរយៈកម្មវិធីផ្សេងៗ (Application Programming Interface [API] ) ឬហៅថា system calls (តាមរយៈ​ឧទាហរណ៍ខាងលើគឺ driver)

តើហេតុអ្វីបានជាប្រព័ន្ធប្រតិបត្តការណ៍ (OS) អាចគ្រប់គ្រងកុំព្យូទ័របាន?

យើងត្រូវចាំថាគ្រប់កម្មវិធីទាំងអស់ពេលដែលវាធ្វើការ (execute) តាមរយៈការបញ្ជាដោយ user ប្រព័ន្ធ​ប្រតិបត្តិការណ៍នឹងបង្កើត process សម្រាប់កម្មវិធីនោះ ហើយអ្នកទទួលបន្ទុកក្នុង​ប្រព័ន្ធ​ប្រតិបត្តិការណ៍​សម្រាប់ធ្វើការបង្កើត processes នីមួយៗគឺជា Kernel ។

Kernel គឺជាស្រទាប់កំរិតទាបបំផុតរបស់ប្រព័ន្ធប្រតិបត្តិការណ៍ដែលវានឹង load ទៅកាន់អង្គចងចាំ (memory) នៅពេលដែលម៉ាស៊ីនចាប់ផ្តើមដំណើការ ។ ទោះបីជាបែបនេះក៏ដោយលោកអ្នក មិនគួរច្រលំមុខងាររបស់វាទៅនឹងពាក្យថា shell និង Basic Input/Output (BIOS) នោះឡើយ។

Kernel ត្រូវបានដឹងថាវាមានកាតព្វកិច្ចដូចជា៖

• គ្រប់គ្រង Process
• គ្រប់គ្រង Disk drive
• គ្រប់គ្រង Interrupt handler និង Error handle
• File management
• គ្រប់គ្រង Memory
• គ្រប់គ្រងរាល់ peripherals និង device drivers ក៏ដូចជា hardware ផ្សេងៗរបស់កុំព្យូទ័រ

ដូច្នេះតាមរយៈការបកស្រាយខាងលើ លោកអ្នកប្រាកដជាអាចដឹងបានថាចំនុចសំខាន់​នៃប្រព័ន្ធ​ប្រតិបត្តិការណ៍គឺជា Kernel ។